Памёр генеральны сакратар АПЕК Махамед Баркінда
3- 6.07.2022, 9:25
- 4,776
Прычына смерці пакуль невядомая.
На 64 годзе жыцця памёр генеральны сакратар Арганізацыі краінаў – экспарцёрак нафты (АПЕК) Махамед Санусі Баркінда.
Пра гэта паведаміў у Twitter кіраўнік Нігерыйскай нацыянальнай нафтавай кампаніі Меле К'яры.
Генеральнага сакратара АПЕК не стала 5 ліпеня блізу 23.00. Прычына смерці не называецца.
«Гэта вялікая страта для ягонай сям'і, Нігерыйскай нацыянальнай нафтавай кампаніі, нашай краіны, АПЕК і глабальнай энэргетычнай супольнасці», – напісаў К'яры.
Баркінда стаў часткай АПЕК у 1986 годзе. Спачатку ён быў чальцом дэлегацыі Нігерыі, потым – заняў пасаду прадстаўніка Нігерыі ў АПЕК. У 2006 годзе ён выконваў абавязкі генеральнага сакратара АПЕК. 2 чэрвеня 2016 года на канферэнцыі АПЕК Махамед Баркінда быў прызначаны генеральным сакратаром арганізацыі.