Упершыню ў гісторыі ўкраінка атрымала самую прэстыжную ўзнагароду ў матэматыцы
4- 5.07.2022, 21:54
- 5,214
Марына Вязоўская стала другой жанчынай у свеце, якая атрымала Філдсаўскую прэмію.
Украінка Марына Вязоўская ўганаравалася самай прэстыжнай узнагароды ў матэматыцы. Яна стала першай грамадзянкай Украіны і другой жанчынай у гісторыі, хто атрымаў Філдсаўскую прэмію.
Пра гэта паведаміла прэс-служба Міжнароднага матэматычнага звязу.
"За доказ таго, што кратка Е8 забяспечвае самую шчыльную ўпакоўку аднолькавых сфер у 8 вымярэннях і за далейшы ўнёсак у звязаныя экстрэмальныя задачы і праблемы інтэрпаляцыі ў аналізе Фур'е", – гаворыцца ў паведамленні.
Вязоўская атрымала ў кіеўскім універсітэце ступень бакалаўра матэматыкі, а ступень магістра - у Нямеччыне. Яна працуе ў федэральнай політэхнічнай школе ў Лазане, Швайцарыя.
Таксама сёлета ўзнагароду атрымалі француз Уга Дзюмініль-Капен, брытанец Джэймс Мэйнард і навуковец з Паўднёвай Карэі Джун Ха.