У сераду ў Беларусі чакаецца да +33 градусаў

Пройдуць моцныя дажджы.

Аранжавы ўзровень небяспекі праз моцныя дажджы, навальніцы і высокія тэмпературы абвешчаны ў Беларусі 6 ліпеня, паведамілі ў Рэспубліканскім цэнтры гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У сераду, 6 ліпеня, уночы пераменная воблачнасць, па заходняй палове пройдуць дажджы. На большай частцы тэрыторыі Берасцейскай і Гарадзенскай абласцей прагназуюцца моцныя дажджы і навальніцы. Сёння будзе воблачна з праясвятленнямі, на большай частцы тэрыторыі таксама чакаюцца дажджы, у асобных раёнах навальніцы, па паўночна-заходняй палове пройдуць моцныя дажджы.

Вецер уночы паўночны, удзень пераменных кірункаў 4-9 м/с, пры навальніцах парывы ўзмоцняцца да 14 м/с, месцамі - да 15-20 м/с. Уначы тэмпература паветра складзе плюс 12-17 градусаў, удзень ад плюс 16 градусаў па паўночным захадзе да плюс 29 градусаў па ўсходзе. У крайніх паўднёва-ўсходніх раёнах слупок тэрмометра дасягне 30-33 градусы цяпла.