Раман Цымбалюк: Апошняму дыктатару Еўропы не прывыкаць да ганьбы

Што чакае беларускіх жаўнераў ва Украіне?

Што чакае беларускіх жаўнераў ва Украіне? Ну, што іх чакае - іх тут чакае смерць. Гэта я кажу не таму, што мне хочацца кагосьці напалохаць, - заявіў падчас эфіру на сваім ютуб-канале ўкраінскі журналіст Раман Цымбалюк.

Бо беларусы глядзяць на гэтую вайну, як казаў сам Лукашэнка: «Пройдзе два-тры дні, і потым не будзе каму ваяваць». Вось ужо пайшоў пяты месяц.

Усе беларусы глядзяць, што адбываецца з расейцамі, якіх, дарэчы, часцяком выкалупвалі з бронемашын, адцягнутых на рамонт ці падбітых на тэрыторыі Украіны, на Кіеўшчыне, і задаюцца пытаннем: ці ўступіць Беларусь ці не ўступіць?

Апошняму дыктатару Еўропы не прывыкаць да ганьбы

Ну, па-першае? Беларусь у вайну ўжо ўступіла. Што ў нас выходзіць? З аднаго боку Аляксандр Рыгоравіч кажа, што «мы ўжо ўдзельнічаем» - і гэта так: з беларускай тэрыторыі ляцяць ракеты, ляцяць бомбы па ўкраінскіх гарадах.

І гэты вусаты хлопец расказвае, што «Расея мае рацыю, і мы не дазволім страляць у спіну расейскаму чалавеку». Пачакайце! Што значыць у спіну? Хто вядзе наступ? Магчыма, пуціноіды, пуцінскія жаўнеры. Не, не пуцінскія жаўнеры, секунду - расейскія жаўнеры. Ці наўрад яны наступаюць ж*пай наперад. Хутчэй за ўсё, яны глядзяць як усе нармальныя людзі (ты homo sapiens? Не? Я расеец). Таму ніхто расейцам у спіну не страляе. Магчыма, іх падчас вайны ўдарнай хваляй разварочвае. Але тут ужо, як кажуць, каму як пашанцуе.

Заспакойлівае для лукашыстаў ужо напагатове

Гэта значыць, Лука нам кажа, што ён ужо ўдзельнічае ў «спецаперацыі». Да чаго гэта ўсё вядзе? Чаму я кажу, што вайна цалкам магчымая паміж Украінай і Рэспублікай Беларусь? Таму што ўся падрыхтоўка скончаная. Там ёсць пералік 16 - 17 пазіцый, крытэрыі падрыхтоўкі краіны да ўступлення ў вайну. І вось на сёння там не стае двух ці трох.

З аднаго боку, гэта называецца мы надзімаем шчокі, кажам, што Пуцін ва ўсім мае рацыю, мы быццам побач і гэтак далей. Маўляў, скоўваем украінскія сілы. Але з іншага боку, а хто дасць гарантыю, што ён не загадае перайсці мяжу? І беларусы гэта таксама ведаюць.

Гарантыю тут, вядома, выпісваюць Узброеныя Сілы Украіны, і я сапраўды магу вам сказаць, што пагроза з боку Рэспублікі Беларусь украінскім вайсковым камандаваннем разглядаецца як абсалютна рэальная, і ўжытыя адпаведныя захады. І не толькі яны мінуюць памежныя тэрыторыі.