Зяленскі заявіў аб правакацыях з боку рэжыму Лукашэнкі

Кіеў рыхтуецца да ўсякага развіцця падзей.

Украінскі прэзідэнт Уладзімір Зяленскі пракаментаваў пагрозу нападу Беларусі на Украіну. Украінскі прэзідэнт спадзяецца, што нападу не адбудзецца.

Пра гэта палітык сказаў падчас онлайн-выступу на 26-м штогадовым урадавым круглым стале The Economist, паведамляе 24 канал.

Зяленскі падкрэсліў, што з тэрыторыі Беларусі прыляцелі шмат ракет розных калібраў, якія прынеслі пакуты ўкраінскаму народу.

- Мы разумеем, што гэта не пастанова беларускага народа. Ім трэба рабіць усё, каб не ўцягнуцца ў гэтую вайну. Але і адказнасць павінна быць, нельга маўчаць і казаць, што гэта не мы. Я мяркую, што гэта несправядліва.

Правакацыі з боку рэжыму Лукашэнкі ўжо ёсць. Таму Украіна рыхтуецца да ўсякага развіцця падзей.