Краіны NATO падпісалі пратаколы аб прыёме ў альянс Фінляндыі і Швэцыі
6- 5.07.2022, 11:59
- 3,322
Абедзве краіны цяпер могуць удзельнічаць ва ўсіх пасяджэннях Паўночнаатлантычнага альянсу.
Амбасадары 30 краін NATO 5 ліпеня падпісалі пратаколы аб далучэнні да альянсу Фінляндыі і Швэцыі. У выніку абедзве гэтыя краіны зараз могуць удзельнічаць ва ўсіх пасяджаннях Паўночнаатлантычнага альянсу, але пакуль не маюць права голасу, піша Deutsche Welle.
"Абедзве краіны афіцыйна пацвердзілі сваё жаданне і здольнасць выконваць палітычныя, юрыдычныя і вайсковыя абавязанні, прадугледжаныя членствам у NATO”, - гаворыцца ў пратаколе аб далучэнні да альянсу.
Пастанова аб прыёме Фінляндыі і Швэцыі ў NATO павінна быць ухваленая ўрадамі ўсіх 30 краін альянсу.
Нагадаем, Швэцыя і Фінляндыя падалі заяўкі на ўступленне ў NATO 18 траўня.