Лукашэнка заявіў, што «аддаў загад узяць на прыцэл цэнтры прыняцця пастаноў ва Украіне»

Антыўкраінская істэрыя дыктатара нарастае.

Падчас свайго выступу 2 ліпеня Лукашэнка заявіў, што некалькі дзён таму УСУ «спрабавалі нанесці ўдар па вайсковых аб'ектах Беларусі, але ўсе ракеты былі перахопленыя», паведамляе РІА Новости.

Беларускі дыктатар заявіў, што аддаў загад вайскоўцам узяць на прыцэл цэнтры прыняцця пастаноў супраціўнікаў Менска.

Таксама Лукашэнка заявіў, што Менск і Масква павінныя быць гатовымі цягам дня даць адказ «на агрэсіўныя дзеянні Захаду».