Christie's прадае першае выданне Гары Потэра з абдрукоўкамі за 250 тысяч даляраў
- 3.06.2022, 18:20
- 1,510
Выданне падпісанае Роўлінг.
Першае выданне кнігі «Гары Потэр і філасофскі камень» з абдрукоўкамі і аўтографам аўтара Джоан Роўлінг выставіў на продаж аўкцыённы дом Christie's у Лондане.
Стартавы кошт, з якога пачнуцца таргі – 200-250 тысяч даляраў.
Выданне з'яўляецца адным з 500 асобнікаў першага наклада рамана, надрукаванага ў 1997 годзе. Трыста з іх былі адпраўлены ў бібліятэкі.
Той, што прадаецца Christie's у межах чаканай выставы "Літаратурнае мастацтва", уваходзіць у лік іншых 200 даступных асобнікаў.
«Ёсць некалькі абдруковака, незаўважаных ў часе публікацыі наклада, на 53 старонцы і на задняй вокладцы», – распавёў CNN сукуратар выставы Марк Уілтшыр.
Кніга падпісаная аўтарам, хаця на момант першага выдання яна была невядомая чытачу. Пазней кніга пра чароўны свет ведзьмаў і чараўнікоў стала хітом ва ўсім свеце, спарадзіўшы цэлую серыю выданняў і вялізную кінафраншызу, адзначае CNN.
«Шмат у чым гэтая кніга з'яўляецца фізічным увасабленнем, напамінкай, таго, як усё пачыналася, менавіта таму яна такая пажаданая для шмат каго», – сказаў Уілтшыр.
Таргі Christie's па лотах выставы «Літаратурнае мастацтва» пройдуць з 7 па 15 чэрвеня.