Беларусь могуць пазбавіць сяброўства ў Міжнародным паралімпійскім камітэце
2- 8.05.2022, 17:25
- 2,378
Афіцыйны Менск працягвае расплачвацца за ўдзел у агрэсіі супраць Украіны.
Беларусь могуць пазбавіцца сяброўства ў Міжнародным паралімпійскім камітэце (IPC) праз ролю ў вайне ва Украіне, піша выданне Inside the Games са спасылкай на прэзідэнта камітэта Эндру Парсанса.
Прадугледжваецца, што прадстаўнікі арганізацыі прымуць пастанову ў лістападзе. Сябры IPC змогуць прагаласаваць за прыпыненне або спыненне сяброўства Беларусі ў Паралімпійскім камітэце.
Сёлета паралімпійскі камітэт спачатку дазволіў спартоўцам з Расеі і Беларусі ўдзельнічаць у гульнях пад нейтральным сцягам, а потым адхіліў абедзве каманды, адзначае «Еўрарадыё».
«Што тычыцца будучыні, мы не ведаем, - сказаў Парсанс. - Усё залежыць ад таго, што будзе з вайной».
На лістападаўскім сходзе прапануецца прагаласаваць па яшчэ адным пытанні: ці павінна выкананне алімпійскага перамір'я быць абавязковым для захавання сяброўства. Алімпійскае перамір'е — мірнае пагадненне, якое дзейнічае ад пачатку Алімпійскіх гульняў да завяршэння Паралімпійскіх гульняў