У расейскай Самары экстрана сеў самалёт «Белавія»
- 5.05.2022, 11:08
- 7,210
У чым прычына?
Раніцай 5 траўня ў самарскім аэрапорце Курумач здзейсніў экстраную пасадку самалёт авіякампаніі «Белавія», які рухаўся па маршруце Баку-Менск: экіпаж паведаміў аб надзвычайнай сітуацыі на борце, паведамляе «КП-Самара».
Самалёт «Белавія», рэйс Баку-Менск, праз дзве гадзіны пасля ўзлёту падаў сігнал надзвычайнай сітуацыі. У гэты час ён пралятаў над Самарскай вобласцю, таму вымушаную пасадку здзейсніў у Курумачы.
Як паведамілі афіцыйныя прадстаўнікі самарскага аэрапорта, самалёт з Баку экстрана сеў з-за дрэннага самаадчування аднаго з пасажыраў. Экіпаж прыняў пастанову тэрмінова садзіцца ў найбліжэйшым аэрапорце.
На зямлі самалёт ужо сустракалі рэанімацыйны аўтамабіль і карэта хуткай дапамогі. Паведамляецца, што зараз самарскія лекары змагаюцца за жыццё пасажыра рэйса Баку-Менск.
Пасля змушанай пасадкі рэйс B2740/J2 6740 адправіўся ў пункт прызначэння і ўжо прызямліўся ў Менску.