Нацыянальная каманда Чэхіі ўпершыню за 10 гадоў здабыла медалі чэмпіянату свету ў хакеі

Каманда ў матчы з ЗША адквіталася з ліку 1:3.

У матчы за 3-е месца на чэмпіянаце свету ў хакеі ў прысутнасці амаль 10 тысяч гледачоў каманда Чэхіі падолела каманду ЗША з лікам 8:4. У часе сустрэчы чэхі саступалі з лікам 0:2 і 1:3, піша "Прессбол".

Такім чынам, каманда Чэхіі здабыла медалі чэмпіянату свету ўпершыню за апошнія 10 год.

Чэхія - ЗША - 8:4 (1:3, 1:0, 6:1)

Шайбы: 0:1 - Кульман (9.33). 0:2 — Годэт (12.14). 1:2 - Чарнох (15.19). 1:3 - Кульман (19.47). 2:3 - Шмейкал (32.12). 3:3 — Пастрняк (40.51). 4:3 — Чэрвенка (42.29). 5:3 — Пастрняк (43.37). 6:3 - Кампф (54.42). 7:3 — Кампф (58.08). 7:4 — Бардэла (58.41). 8:4 - Пастрняк (59.23).