«На фарш ніхто не хоча ісці»: мабілізацыя ў «Прыднястроўі» зазнала крах
5- 29.05.2022, 20:29
- 12,138
Расейскія куратары не атрымалі чаканых вынікаў.
Мабілізацыя ў непрызнаным Прыднястроўі зазнала крах, паведаміў у эфіры Радыё НВ прадстаўнік Адэскай абласной вайсковай адміністрацыі Сяргей Братчук.
«Прыднястроўцы бачаць, што Расея, як заўсёды, будзе іх выкарыстоўваць як гарматнае мяса - на фарш ніхто не хоча ісці. <...> Думаю, што тая адстаўка ўрада, праведзеная ў Прыднястроўі, звязаная з тым, што гэты план цалкам зазнала крах, гэта значыць расейскія куратары не атрымалі чаканых вынікаў», - адзначыў Братчук.
На падкантрольнай Расеі тэрыторыі Малдовы, паводле ягоных слоў, нават знізілі ўзровень тэрарыстычнай пагрозы з чырвонага да жоўтага, але пагроза з Прыднястроўя застаецца, перасцерагаюць у АВА.
«Пэўная крыніца напружання ўвесь час знаходзіцца. Гэтая рызыка будзе заўсёды, пакуль там прысутная Расейская Федэрацыя. І гэта ясна, але другога фронту не будзе», - дадаў Братчук.