Блогер Павук патэлефанаваў бандытам з ГУБАЗіКу, якія разграмілі ягоны дом
74- 29.05.2022, 20:36
- 64,820
Ён апублікаваў аўдыя размовы.
Кватэра блогера Андрэя і ягонай жонкі Вольгі Павук у аграгарадку Акцябрскім пасля «ператрусу» 26 траўня была разгромленая: зламаная мэбля, тэхніка, у міжпакаёвых дзвярах вялікая дзірка. На наступны дзень блогер патэлефанаваў сілавікам, каб даведацца, навошта яму разламалі рэчы і абсталяванне. Відэа сваіх кароткіх дыялогаў ён апублікаваў 29 траўня на сваім YouTube-канале.
Нагадаем, раніцай 26 траўня супрацоўнікі міліцыі прыйшлі з ператрусам у беларускую кватэру блогера Андрэя Павука і ягонай былой жонкі Вольгі ў пасёлку Акцябрскі Гомельскай вобласці. Відэа стану кватэры пасля ператрусу апублікавалі ў Telegram-канале беларускіх сілавікоў. Пасля візіту сілавікоў кватэра сапраўды выглядала разгромленай.