Нарвегія змяніла афіцыйную назву Беларусі

Гэта зроблена на знак салідарнасці з беларускім дэмакратычным рухам.

Міністарка замежных спраў Нарвегіі 29 траўня заявіла пра змену назвы Беларусі. Цяпер яна будзе называцца па-нарвежску не Hviterussland (даслоўна: Белая Русь), а Belarus.

- Мы робім гэта ў знак салідарнасці з беларускім дэмакратычным рухам. Яны не будуць працягам Расеі, - адзначыла Аннікен Хюітфельд.

- Мы ўважаем правільным змяніць яе на знак салідарнасці з беларускім дэмакратычным рухам, - адзначыў нарвежскі прэм'ер-міністр Ёнас Гар Сцёрэ.

Нагадаем, Швецыя і Данія называюць нашу краіну Belarus з 2019 і 2021 гадоў адпаведна.