Mirror: Пуцін, магчыма, ужо мёртвы

Брытанскае выданне спасылаецца на крыніцы ў разведвальнай службе МІ6.

Прэзідэнт РФ Уладзімір Пуцін на фоне пагалосак пра сур'ёзнае захворванне, магчыма, ужо мёртвы, а замест яго Крэмль выкарыстоўвае двайніка.

Пра гэта піша брытанскі таблоід Mirror, спасылаючыся на крыніцы ў разведвальнай службе МІ6.

Інсайдэры не выключаюць, што найбліжэйшае асяроддзе Уладзіміра Пуціна могуць хаваць факт смерці расейскага прэзідэнта, каб працягваць заставацца ва ўладзе. Для рэалізацыі сваіх планаў Крэмль, магчыма, задзейнічаў двайніка кіраўніка РФ.

У апошні час з'яўляюцца пагалоскі ў заходніх СМІ аб тым, што Уладзімір Пуцін сур'ёзна хворы і яму засталося жыць некалькі гадоў. Разведчыкі з MI6 мяркуюць, што Крэмль схавае інфармацыю пра смерць свайго кіраўніка.

Таксама інсайдэры не выключаюць, што двайнік Уладзіміра Пуціна з'яўляўся на публіцы ў апошні час - падчас вайсковага параду на Краснай плошчы, які праходзіў 9 траўня.

«Пуцін вельмі хворы, і калі ён памрэ, яго смерць будзе захоўвацца ў таямніцы тыднямі, калі не месяцамі. Ёсць таксама імавернасць, што ён ужо мёртвы. Гэта немагчыма ведаць. Уважаецца, што Пуцін выкарыстоўваў двайнікоў у мінулым, калі быў нездаровы, і Крэмль мог рабіць гэта цяпер. Пуцін узначальвае невялікую групу высокапастаўленых чыноўнікаў, якія цалкам яму лаяльныя», - працягваюць крыніцы з брытанскай разведкі і сцвярджаюць, што Крэмль спецыяльна будзе замоўчваць смерць Пуціна, бо ў РФ на фоне такіх навін можа адбыцца пераварот, а камандаванне войскам прыме пастанову аб вывадзе войскаў з тэрыторыі Украіны.