Google навучыла нейрасетку генераваць карцінкі па тэкставым апісанні
6- 25.05.2022, 17:51
- 5,114
Вынік і праўда ўражальны.
Тэхнагігант Google прадэманстраваў уласную нейрасетку Imagen, здольную генераваць малюнкі па тэкставым апісанні. Яна з'яўляецца аналагам нейрасеткі DALL-E 2 OpenAI, але з акцэнтам на фотарэалізме, паведамляе УНІАН.
Кампанія паказала прынцып працы алгарытмаў на прыкладзе мноства пацешных запытаў і запусціла тэставае тэхнадэма сэрвісу на сваім сайце.
У тэксце даследавання адзначаецца, што працуе яна па метадзе дыфузіі, павялічваючы і дапрацоўваючы накід па тэксце датуль, пакуль ШІ не вызначыць, што не можа зрабіць яго яшчэ больш падобным на зададзеныя параметры.
У Google сцвярджаюць, што створаная іх камандай нейрасетка генеруе малюнкі па тэкставым апісанні з «нябачаным фотарэалізмам». І самі ж параўноўваюць яе з DALL-E 2, сцвярджаючы, што іх нейрасетка перамагае ў тэстах як па дакладнасці, так і па праўдападобнасці.