6 лiпеня 2022, Серада, 4:32
Сім сім, Хартыя 97!
Рубрыкі

УСУ ўпершыню паказалі, як самаходныя гаўбіцы Caesar б'юць ворага

3
УСУ ўпершыню паказалі, як самаходныя гаўбіцы Caesar б'юць ворага

Зброя новага пакалення знішчае камандныя пункты акупантаў.

Узброеныя сілы Украіны паказалі, як ужо актыўна выкарыстоўваюць самаходныя гаўбіцы Caesar для знішчэння тэхнікі і камандных пунктаў акупантаў. Артылерысты УСУ хутка авалодалі новымі САУ, фактычна ўсяго за некалькі гадзінаў.

Пра гэта паведамляе ў Facebook галоўны камандавальнік УСУ Валерый Залужны.

Caesar – гэта самаходная артылерыйская ўстаноўка новага пакалення. Яна дазваляе паражаць цэлі ворага на адлегласці 20 км і больш ад лініі фронту з высокай дакладнасцю. На гэтай адлегласці звычайна знаходзіцца артылерыя, рэзервы, пункты кіравання ворага. Іх знішчэнне змяншае наступальны патэнцыял ворага.

САУ ўстаноўленыя на колавым шасі, што робіць іх мабільнымі і манеўранымі. Аўтаматызаваная сістэма самапрывязкі і саманавядзення на цэль палягчае працу разліку.

Caesar мае дастаткова высокую хуткастрэльнасць – 5 стрэлаў за хвіліну і высокую кучнасць стральбы. Можа выкарыстоўвацца некалькі тыпаў боепрыпасаў калібру 155 мм, якія выкарыстоўваюцца ў краінах NATO.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».