Маці галоўрэда «Нашай Нiвы» звольнілі з часопіса «Мастацтва»

Таццяна Мушынская працавала рэдактаркай аддзела музыкі часопіса з 1991 года.

Пісьменніца і тэатральны крытык Таццяна Мушынская больш не працуе ў часопісе «Мастацтва».

Як паведамляе @by_culture, ёй прапанавалі напісаць заяву аб звальненні на дамову бакоў.

Таццяна Мушынская – маці палітвязня і галоўнага рэдактара «Нашай Нiвы» Ягора Марціновіча. Яна працавала рэдактаркай аддзела музыкі часопіса «Мастацтва» з 1991 года.