Расейцы захапілі Светладарск
18- 24.05.2022, 16:46
- 21,260
Яны ходзяць групамі па пяць чалавек і правяраюць дакументы.
Кіраўнік Светладарскай ВГА Сяргей Гошка заявіў, што расейскія войскі ўвайшлі ў гэты ўкраінскі горад. Пра гэта ён расказаў «Вільному радыё».
«Цяпер вывешваюць сваю анучу (расейскі сцяг, - рэд.) на адміністрацыйным будынку», - сказаў Гошка.
Ён зазначыў, што рашысты ўжо ходзяць па вуліцах і правяраюць у людзей дакументы.
«Мясцовае насельніцтва, з якім я маю стасункі, кажа, што вялікай прысутнасці іх не бачыць. Ёсць пэўныя групы ў колькасці па 5 чалавек», – адзначае начальнік Светладарскай ВГА.