Экспэрт расказаў, што зараз адбываецца з коштамі ў Беларусі

Улады зноў уступаюць у супярэчнасць з законамі рынку.

У Беларусі распрацоўваюцца дадатковыя меры для стрымлівання цэн.

Аб гэтым заявіў міністр антыманапольнага рэгулявання і гандлю Аляксей Багданаў.

Што зараз адбываецца з коштамі, і якія меры для іх стрымлівання можа прапанаваць урад? Газета «Белорусы и рынок» паразмаўляла з сустаршынёй Менскага сталічнага саюза прадпрымальнікаў і працадаўцаў Віктарам Маргелавым.

- Сапраўды, на некаторыя групы тавараў цэны перасталі расці, на некаторыя нават вярнуліся назад, перш за ўсё - на імпартныя тавары.

- А што адбываецца з садавіной-агароднінай?

— Цяпер ужо пайшлі сезонныя ваганні коштаў: вырасла беларуская гародніна-садавіна ў цяпліцах. Самы класічны варыянт памідоры і агуркі, кошты якіх знізіліся вельмі моцна. Памідоры прадавалі ледзь не па 9 рублёў, а зараз прадаём блізу трох рублёў за кілаграм, а агуркі (нестандарт) у продажы можна знайсці нават па 1,5 рубля. Такіх коштаў узімку не было, вядома.

У прынцыпе, нават капуста, якая ў нас зімой знікла, зараз можа каштаваць да 2 рублёў - свежая, ранняя. Зразумела, кожны прадае сваім коштам, але тэарэтычна ў крамах ужо можна знайсці коштам 2 рублі.

Кошты на блокі стабілізаваліся: з моманту адкрыцця мяжы з Расеяй аптовыя кошты на іх практычна застылі. Тым больш, што цэны на яблыкі вызвалілі ад рэгулявання і яны раптам адразу з'явіліся.

- З чым звязана, на ваш погляд, тармажэнне коштаў?

- Найперш умацаваўся курс беларускага рубля. А акрамя таго, стабілізаваўся баланс паміж Беларуссю і Расеяй: нейкім чынам там патаннелі прадукты, цукар ужо таннейшы, чым у нас. Я думаю, у Расеі нейкім чынам стабілізаваўся прадуктовы рынак. У адваротным выпадку яна выцягвала б усё з Беларусі, а пакуль гэтага не назіраецца.

- Кіраўнік МАРГ Аляксей Багданаў заявіў аб падрыхтоўцы новых мер для стрымлівання коштаў. Што можа зрабіць урад у гэтым кірунку?

- Усё што хочаце. Тым больш што зараз размова ідзе аб стрымліванні цэн у лёгкай прамысловасці, перайшлі на аўтазапчасткі. Найбольш магчымым мне падаецца стрымліванне коштаў у іншых галінах. Хоць не выключаю, што прадуктовы рынак таксама застанецца ў полі зроку ўрада.