У Хабараўскам краі РФ адбыўся выбух у вайсковай частцы
7- 12.05.2022, 9:27
- 11,004
На гэты момант вядома аб адным загінулым.
Выбух адбыўся ў вайсковай частцы ў пасёлку Тэйсін Амурскага раёна Хабараўскага краю, ёсць загінулы і пацярпелыя.
Аб гэтым ТАСС паведаміла крыніца ў экстраных службах рэгіёну.
"Там вайсковая частка, нешта ўзарвалася. Адзін загінуў, некалькі чалавек пацярпелі. Дастаўлены ў эльбанскую лякарню", - сказаў суразмоўца агенцтва.
Іншая крыніца ТАСС у экстраных службах удакладніла, што ў вайсковай часці адбыўся выбух пораху. "На месцы працавалі пажарная служба вайсковай часткі і адно аддзяленне ад пажарных раёна. Цяпер там нічога не гарыць", - сказаў суразмоўца агенцтва.
Пасёлак Тэйсін размешчаны за 82 км на паўднёвы ўсход ад Камсамольска-на-Амуры і ў 10 км на паўднёвы ўсход ад пасёлка Эльбан. У пасёлку знаходзіцца аднайменная чыгуначная станцыя і размешчаная вайсковая частка.