УЕФА зацвердзіў новы фармат Лігі чэмпіёнаў

У абноўленым выглядзе турнір пачнуць праводзіць ужо ў 2024 годзе.

УЕФА зацвердзіў новы фармат правядзення Лігі чэмпіёнаў, паведамляе прэс-служба арганізацыі.

У турніры з 2024 года будуць гуляць 36 каманд замест 32, якія выступаюць зараз.

Пры гэтым будуць адсутнічаць групы, а каманды згуляюць у адной лізе па «швейцарскай» сістэме з шахмат, якая рэгулюе адбор і ставіць адна супраць адной роўных апанентаў. У камандных тыпах спорту яе яшчэ не прымянялі.

Восем найлепшых каманд будуць выходзіць у плэй-оф, тады як астатнія будуць праходзіць адбор праз новы раўнд плэй-оф. Усе клубы гарантавана правядуць па 10 матчаў за адзін розыгрыш.

Пры гэтым элітныя клубы атрымаюць дадатковыя месцы, калі не здолеюць пераадолець адбор у Лігу чэмпіёнаў. Усе гэтыя змены павінны прывесці да росту папулярнасці і даходаў турніру.

Таксама зменіцца фармат Лігі Еўропы (восем матчаў на агульным этапе) і Лігі канферэнцый (шэсць матчаў на агульным этапе). На агульным этапе ў абодвух турнірах таксама згуляе па 36 каманд.