Унук Махамеда Алі эфектна накаўтаваў спаборніка ў першым раўндзе
- 1.05.2022, 13:13
- 4,464
Відэафакт.
Ніко Алі Уолш, унук легенды сусветнага боксу Махамеда Алі, у рамках вечару боксу ў Лас-Вегасе атрымаў сваю пятую перамогу ў прафесійнай кар'еры.
Чарговым спаборнікам 21-гадовага прадстаўніка ЗША стаў ягоны суайчыннік Алехандра Ібара, аднак скласці канкурэнцыю ў рынгу той не змог.
Ужо ў першым раундзе Алі Уолш правёў удалую камбінацыю з двух удараў, пасля апошняга з якіх бой закончыўся. Ібара быў накаўтаваны.
Відэа было апублікаванае ў Twitter.
Для ўнука легенды сусветнага боксу гэта быў усяго пяты двубой на прафесійным рынгу і пятая перамога.
28-гадовы Ібара пацярпеў другую паразу ў кар'еры. У ягоным актыве таксама сем перамог.
Раней Алі Уолш накаўтаваў Джэрэмію Егера ўжо ў другім раундзе.
Nico Ali Walsh With a MASSIVE right hand to get the KO win🔥🔥 pic.twitter.com/BXxzNZEZv9
— BigSlugs (@CombatmmaB) May 1, 2022