Беларусы нелегальна пераходзяць мяжу, каб ваяваць на баку Украіны

Пераходзяць мяжу і расейцы.

Кіраўнік Ровенскай абласной ваеннай адміністрацыі Віталь Коваль у эфіры «Радыё Трэк» распавёў аб парушэннях беларуска-ўкраінскай мяжы. З пачатку вайны ва Украіне было зафіксавана 17 такіх выпадкаў.

Сярод тых, хто пераходзіў мяжу, былі грамадзяне Беларусі, Расеі, Пакістана і Індыі.

Некаторых з іх выправадзілі з краіны, бо яны не маглі пацвердзіць мэту перасячэння мяжы.

11 грамадзян Беларусі і Расеі, якія перайшлі мяжу, ваююць на баку Украіны.

У лагеры для бежанцаў знаходзяцца шасцёра грамадзян Пакістана і Індыі.