Рэжым Лукашэнкі ўводзіць смяротнае пакаранне за «здраду дзяржаве»

Ці расстраляюць дыктатара за працу на Крэмль?

Рэжым Лукашэнкі надумаў увесці смяротнае пакаранне за «здраду дзяржаве». Так званая палата прадстаўнікоў прыняла законапраект «Аб змене кодэксаў у пытаннях крымінальнай адказнасці».

Згодна з ім, смяротнае пакаранне, можа быць прымененая да службовай асобы або вайскоўца, які здрадзіў дзяржаве.

«У мэтах стрымальнага ўздзеяння на дэструктыўныя элементы, а таксама дэманстрацыі рашучай барацьбы са здрадай дзяржаве праектам Закона прапануецца ўнясенне змяненняў у санкцыю часткі 2 артыкула 356 КК, якія прадугледжваюць магчымасць выкарыстання выключнай меры пакарання ў выглядзе смяротнага пакарання за здраду дзяржаве, учыненую службовай асобай, якая займае дзяржаўную пасаду, або асобай, на якую распаўсюджваецца статус вайскоўца. У сувязі з гэтым прыводзяцца ў адпаведнасць таксама артыкулы 58 і 59 КК», - гаворыцца ў каментары прэс-службы «палаткі».

Нагадаем, Беларусь - адзіная дзяржава ў Еўропе, дзе не ўведзены мараторый на смяротнае пакаранне. Варта адзначыць, што Лукашэнка, які актыўна працуе на Крэмль, прадаючы беларускі суверэнітэт, можа сам быць расстраляны за «здраду дзяржаве».