У Менску з новага года вырастуць тарыфы ЖКП
20- 6.12.2022, 20:01
- 21,222
Рахункі стануць значна цяжэйшыя.
У Менску зацвердзілі новыя значэнні цэн жыллёва-камунальных паслуг - адзначаецца іх падвышэнне ў параўнанні з тымі, што дзейнічаюць у гэтым годзе. Прычым калі расцэнкі за тэхабслугоўванне ліфта вырастуць толькі на 8%, то вось асноўныя пазіцыі, сярод якіх ацяпленне, а таксама гарачае і халоднае водазабеспячэнне, падаражэюць больш значна.
Апублікаваная пастанова Менскага гарадскога выканаўчага камітэта нумар 4028 ад 24 лістапада, згодна з якой устанаўліваюцца новыя планава-разліковыя цэны жыллёва-камунальных паслуг на 2023 год.
Згодна з дакументам, піша myfin.by, паслугі, якія выконваюцца насельніцтву арганізацыі Мінжылкамгаса (акрамя тых, якія ўваходзяць у сістэму Міністэрства энэргетыкі), устаноўлены наступныя расцэнкі:
- тэхнічнае абслугоўванне жылога дома - 0,1679 рубля за квадратны метр агульнай плошчы жылога памяшкання (павялічылася на 12% у параўнанні з гэтым годам);
- тэхнічнае абслугоўванне ліфта - 0,0720 рубля за квадратны метр агульнай плошчы жылога памяшкання (больш на 8%);
- цеплазабеспячэнне і гарачае водазабеспячэнне - 138,67 рубля за гігакаларыю (больш на 10%);
водазабеспячэнне - 1,2479 рубля за кубаметр (больш на 14,25%);
- водаадвядзенне (каналізацыя) - 0,7694 рубля за кубаметр (больш на 12%).
Акрамя таго, тарыф на вываз тоны адкідаў у дамах без смеццеправодам павялічыўся больш як удвая да 85,4394 рубля; цана за вывезены кубаметр смецця вырасла на 10,8% да 9,1292 рубля. У дамах са смеццеправодам вызначаны наступныя тарыфы: 104,4145 рубля з тону (у 2,1 раза вышэй); 11,1567 за кубаметр (на 13,3% вышэй).