Удар па авіябазе пад Саратавам пазбавіў РФ двух Ту-95МС з 20 дзейных

Менавіта гэтыя самалёты актыўна выкарыстоўваюцца для пускаў ракет па Украіне.

Падчас атакі беспілотнікамі аэрадрома «Энгельс» у Саратаўскай вобласці з некаторых сцвярджэнняў пашкоджаныя два стратэгічныя бамбавікі Ту-95МС. Агулам такіх ракетаносцаў у расейцаў 60, але ў баяздольным стане толькі больш за 20, адзначае ў сваёй калонцы для Espresso вайсковы аглядальнік і дырэктар Defense Express Сяргей Згурэц.

Менавіта гэтыя 20 Ту-95МС актыўна выкарыстоўваюцца для пускаў ракет па тэрыторыі Украіны. Пасля з'явіліся звесткі і аб выбухах на вайсковым аэрадроме «Дзягілева». На абедзвюх авіябазах, як піша і Інстытут даследавання вайны, размешчаныя элементы расейскага стратэгічнага бамбавальнага флоту, які Расея выкарыстоўвала для ўдараў па Украіне цягам усёй вайны.

«У абодвух выпадках гаворка ідзе пра вайсковыя аб'екты, якія знаходзяцца на адлегласці, большай за 600 км ад дзяржаўнай мяжы з Украінай. Ва УСУ быццам бы няма такіх дальнабойных сродкаў паражэння. Аднак ёсць адно «але».

У расейскіх СМІ фігуравалі звесткі, што УСУ ўдарылі па «Энгельсу» стратэгічным беспілотнікам ВР-2 «Стрыж» харкаўска-запарожскай вытворчасці (рухавік выраблены на «Матор Січ»).