Краіны ЕЗ дасягнулі пагаднення аб выдзяленні Украіне 18 мільярдаў еўраў

У Еўразвязе заявілі, што будуць падтрымліваць Украіну столькі, колькі спатрэбіцца.

Краіны Еўразвязу дасягнулі пагаднення аб выдзяленні Украіне пакета фінансавай дапамогі сумаю 18 млрд. еўраў. Пра гэта паведамляе РБК-Украіна са спасылкай на прэс-службу Рады ЕЗ.

Рада ЕЗ дасягнула пагаднення па пакеце заканадаўчых актаў, які дасць магчымасць аказваць фінансавую дапамогу Украіне на працягу 2023 года сумаю 18 мільярдаў еўраў. Прапанова была прынятая сёння і будзе прадстаўленая ў Еўрапейскі парламент для магчымага прыняцця на наступным тыдні.

- Украіна можа разлічваць на ЕЗ. Мы будзем працягваць падтрымліваць Украіну, у тым ліку і фінансава, столькі, колькі спатрэбіцца. Заканадаўства, якое мы сёння прынялі, азначае, што Украіна можа разлічваць на рэгулярную фінансавую дапамогу ад ЕЗ на працягу ўсяго 2023 года, - заявіў міністр фінансаў Чэхіі Збынек Станюра.

Пакет прадугледжвае структурныя развязанні па фінансавай падтрымцы Украіны ў 2023 годзе. Сума крэдыту, які будзе пададзены Украіне ў 2023 годзе, складзе 18 млрд. еўраў, крэдыты будуць мець 10-гадовы льготны перыяд. Дзяржавы-сябры будуць выплачваць асноўную частку працэнтных расходаў за кошт знешніх назначаных даходаў. Гарантыі па гэтым запазычанні будуць выдадзеныя або з бюджэту ЕЗ, або дзяржавамі-сябрамі.