Расейскі ўрад ратыфікаваў «дамову» Беларусі і РФ па ўскосных падатках
4- 10.12.2022, 20:37
- 6,478
«Дамова» можа ўступіць у дзеянне ў найбліжэйшы час.
Сайт урада Расеі паведамляе, што 8 снежня ўлады суседняй краіны ратыфікавалі дамову аб агульных прынцыпах падаткаабкладання па ўскосных падатках. Далей яго ўнясуць на разгляд у Дзярждуму РФ, піша zerkalo.oi.
Паводле звестак сайта «палаты прадстаўнікоў» Беларусі, дакумент унесены на ратыфікацыю і ў беларускі «парламент».
Пасля ратыфікацыі з боку «парламентаў» дзвюх краін, дамова набудзе законную моц.
Нагадаем, згодна з падпісанымі «дарожнымі мапамі» паміж Расеяй і Беларуссю, «гарманізацыя» падатковага заканадаўства дзвюх краін павінна завяршыцца да 1 студзеня 2023 года.