McDonald's у Беларусі - усё?

Сайт кампаніі пачаў перанакіроўваць на новы адрас, а з меню знік "Біг Мак".

Сайт беларускага McDonald's пачаў аўтаматычнае перанакіраванне на новы адрас, які не змяшчае спасылак да назвы кампаніі. На галоўнай старонцы і на выявах пазіцый меню больш няма лагатыпа кампаніі.

Даўней у Беларусі з шэрагу рэстарацый былі дэмантаваныя шыльды з жоўтай літарай "М", пры гэтым дзейнасць пунктаў грамадскага харчавання не перапынялася.

Сайт рэстарацыі абнавіўся ўвечары 27 лістапада, пасля чаго ўвамкнулася аўтаматычная пераадрасацыя на сайт ksbv.by. Таксама змяніўся адрас электроннай пошты для зваротаў і былі ўнесеныя пэўныя змены ў меню.

Напрыклад, больш не прапануецца бургер "Біг Мак".