Музыкі гурта Litesound, якія прадстаўлялі Беларусь на «Еўравізіі», апынуліся на Валадарцы
3- 26.11.2022, 14:52
- 10,622
Ім ставяць у віну «ўдзел у пратэстах».
Праваабарончы цэнтр «Вясна» паведамляе, што браты-музыкі Зміцер і Уладзімір Каракіны знаходзяцца ў СІЗА-1 на Валадарскага. Паводле папярэдняй інфармацыі, ім ставяць у віну ўдзел у пратэстах.
Каракіных падазраюць паводле артыкула 342 КК (Актыўны ўдзел у групавых дзеяннях, якія груба парушаюць грамадскі парадак). Ім пагражае да трох гадоў пазбаўлення волі.
Аб затрыманні Litesound праўладныя тэлеграм-каналы напісалі 13 лістапада. Паводле іх інфармацыі, браты «ўдзельнічалі ў незаконных маршах з перацінаннем дарог, заклікалі і агітавалі ў сацыяльных сетках, супрацоўнічалі з экстрэмісцкімі арганізацыямі».