Знойдзеная самая старажытная прыгатаваная чалавекам ежа ў свеце

Неандэртальцы маглі быць гурманамі.

У пячорным комплексе на поўначы Ірака былі выяўленыя абвугленыя рэшткі таго, што, відаць, з'яўляецца найстаражытнейшай прыгатаванай ежай у свеце, што выклікала здагадку, што неандэртальцы маглі быць гурманамі.

«Нашы знаходкі – першае рэальнае сведчанне складанай кулінарыі – і, такім чынам, харчовай культуры – сярод неандэртальцаў», – сказаў Крыс Хант, прафесар культурнай палеаэкалогіі ў Ліверпульскім універсітэце Джона Мура, які каардынаваў раскопкі. Даследаванне апублікаванае ў часопісе Antiquity.

Хант і ягоныя калегі нават спрабавалі ўзнавіць адзін з рэцэптаў, выкарыстоўваючы насенне, сабранае ў найбліжэйшых пячорах. «Гэта было нешта накшталт бліноў з аладкай, якія былі сапраўды вельмі смачнымі – з арэхавым прысмакам», – сказаў Хант.

Згарэлыя рэшткі ежы – самыя старыя з калі-небудзь знойдзеных – былі вынятыя з пячоры Шанідар, неандэртальскага жылля за 500 міляў на поўнач ад Багдада ў гарах Загрос. Мяркуецца, што ім блізу 70 000 гадоў, яны былі знойдзеныя ў адным з многіх старажытных агменяў у пячорах.

Каманда таксама выкарыстоўвала сканавальны электронны мікраскоп для аналізу старажытных абвугленых фрагментаў ежы, вынятых з пячоры Франхці на поўдні Грэцыі, якая была заселеная раннімі сучаснымі людзьмі блізу 12 000 гадоў таму.

У сукупнасці гэтыя звесткі сведчаць, што палеалітычная дыета была разнастайнай і складанай дагістарычнай кулінарыяй, якая ўключае некалькі этапаў прыгатавання ежы.

«Мы ўпершыню прапануем доказы замочвання і расціранні насення бабовых як неандэртальцамі, так і раннімі сучаснымі людзьмі (Homo sapiens) на абодвух надзелах і на абодвух этапах у пячоры Шанідар», – сказаў доктар Серэн Кабукку, археабатанік з Ліверпульскага ўніверсітэта, які кіраваў даследаваннем.

«Мы таксама знаходзім доказы “сумесяў” насення, уключанага ў прадукты харчавання, і сцвярджаем, што існавалі некаторыя ўнікальныя перавагі ў дачыненні да пэўных раслінных густаў».

Даследаванне дапаўняе рост колькасці сведчанняў ужывання раслінаў як раннімі сучаснымі людзьмі, так і неандэртальцамі ў дадатак да мяса. Дзікія арэхі і травы часта спалучалі з такімі бабовымі, як сачавіца і дзікая гарчыца.