29 сакавiка 2024, Пятніца, 14:25
Падтрымайце
сайт
Сім сім,
Хартыя 97!
Рубрыкі

Жыхар Баранавічаў скраў у падлетка шпіца, каб падарыць жонцы

20
Жыхар Баранавічаў скраў у падлетка шпіца, каб падарыць жонцы

Сабака быў прывязаны за павадок каля крамы.

Жыхарка Баранавічаў заявіла ў міліцыю, што ў ейнага сына-падлетка на дварэ скралі шпіца. Выкрадальнікам аказаўся 52-гадовы мужчына, які забраў сабаку, каб падарыць жонцы. Падрабязнасці расказалі ва УУС Берасцейскага аблвыканкама.

Як высветлілася, 13-гадовы хлопчык пайшоў па прадукты і заадно надумаў выгуляць шпіца. Ён прывязаў сабаку за павадок каля дзвярэй крамы, а калі вярнуўся, яго ўжо не было.

Раніцай гаспадыня жывёліны, маці падлетка, пачула брэх на дварэ і, вызірнуўшы ў акно, убачыла свайго шпіца. Праўда, на сабаку не было ні павадка, ні аброжка. Пасля гэтага жанчына звярнулася ў міліцыю.

Выкрадальніка адшукалі — гэта быў непрацоўны 52-гадовы жыхар Баранавічаў. Мужчына растлумачыў, што п'яным ішоў дадому, убачыў сабаку, які яму спадабаўся, і захацеў прынесці яго ў падарунак сваёй жонцы. Аднак тая не ацаніла прэзент, і муж і жонка выгналі жывёліну на двор.

На мужчыну пачалі крымінальную справу за крадзеж.

Напісаць каментар 20

Таксама сачыце за акаўнтамі Charter97.org у сацыяльных сетках