Медыкі назвалі пяць відаў самых карысных арэхаў
4- 13.11.2022, 13:45
- 9,310
Яны ў некалькі разоў перасягаюць у мінеральным складзе садавіну.
Арэхі з'яўляюцца неад'емнай часткай рацыёну пры здаровым харчаванні, бо ўзбагачаюць арганізм вітамінамі, антыаксідантамі і іншымі карыснымі рэчывамі. Лекар-дыетолаг Марыя Вараненка расказала пра пяць відаў арэхаў, ужыванне якіх прынясе карысць здароўю.
Пра гэта яна расказала на сваёй старонцы ў Telegram.
Спецыялістка рэкамендуе перыядычна дадаваць у рацыён грэцкія арэхі, бо яны лідары ў колькасці тлушчаў. У гэтым прадукце ў 50 разоў больш вітамінаў, чым у цытрусавых і ў чорных парэчках. Таксама ён змяшчае абалоніну, соль жалеза і кобальт. Рэгулярнае ўжыванне грэцкіх арэхаў вельмі карыснае для працы мозгу і сэрцава-судзіннай сістэмы.
Яшчэ дыетолаг раіць ужываць фундук, бо ў ім змяшчаецца да 80% тлушчаў, а па сваім складзе ён падобны на аліўкавы алей.
Не менш карысны міндаль, бо багаты на фосфар, цынк, медзь, жалеза, кальцый і магній.
Таксама дадавайце ў меню фісташкі, якія зніжаюць «шкодны» халестэрын, дораць бадзёрасць і пазбаўляюць ад стомленасці.
І не забывайце пра арахіс, з дапамогай якога арганізм узбагачаецца фоліевай кіслатой, неабходнай для нервовай сістэмы і звычайнай працы сэрца.