Мацвіенка прыехала на саміт кіраўнікоў парламентаў G20 і пачала прасіць Украіну пра замірэнне
30- 6.10.2022, 21:37
- 50,480
Украінская дэлегацыя адказала.
Украінскі парламент адхіліў прапанову парламента расейскага сесці за стол перамоў.
Пра гэта заявіла ў «Фэйсбуку» віцэ-спікерка Вярхоўнай Рады Украіны Алена Кандрацюк.
Раней старшыня Савета Федэрацыі Расеі Валянціна Мацвіенка на саміце кіраўнікоў парламентаў G20 у Інданезіі прапанавала дэлегацыі Украіны, якую ўзначальвае Кандрацюк, «тэрмінова сесці за стол перамоў».
«Рада, што мой сённяшні выступ на Саміце G20 у Інданезіі з заклікам да парламентаў усіх краін свету асудзіць злачынствы расейцаў, псеўдарэферэндумы і анэксію нашых тэрыторый падтрымалі ўсе дэмакратыі, таксама ён прымусіў расейцаў чарговым разам зманіць аб перамовах, цяпер ужо ў парламентах…
Шчыра кажучы, ад папярэдняга пафасу і пыхі «мацвіенак» засталася адна хлусня!
Усе, хто прагаласаваў за анэксію ўкраінскіх тэрыторый - ваенныя злачынцы! З імі ніхто ніякіх перамоў весці не будзе! Усе яны будуць адказваць у Міжнародным Трыбунале!
Украіна перамагае і пераможа!», - заявіла віцэ-спікерка Вярхоўнай Рады Украіны Кандрацюк.
