The Sun: ЗША разглядаюць чатыры цэлі для адказу РФ, калі адбудзецца ядзерны ўдар

Сярод магчымых цэляў можа быць і Масква.

Злучаныя Штаты могуць нанесці ядзерны ўдар у адказ па РФ, калі Масква ўжыве ядзерную зброю ва Украіне, піша брытанскі таблоід The Sun.

Як сцвярджаецца ў публікацыі, існуе чатыры магчымыя сцэнары рэакцыі Вашынгтона і Паўночнаатлантычнага альянсу на ўжыванне ядзернай зброі расейскай стараной.

Першы варыянт, як адзначаецца ў артыкуле, гэта ядзерны ўдар па Расеі, у тым ліку па Маскве.

Удар па расейскіх войсках на лініі фронту ва Украіне разглядаецца ў якасці другіх імаверных захадаў у адказ.

Трэцяй магчымай рэакцыяй ЗША і NATO журналісты выдання назвалі абмежаваны ядзерны ўдар па Крыме.

Апошні варыянт у выпадку выкарыстання Расеяй ядзернай зброі ва Украіне - удар па Чарнаморскім флоце РФ.