БЧ дагэтуль не акрыяла ад удару «кіберпартызанаў»

Атака адбылася 24 студзеня.

Беларуская чыгунка дагэтуль не аднавіла цалкам працу сістэмы онлайн-рэзэрвавання квіткоў пасля тэхнічнага збою 24 студзеня.

Укараненнем удасканаленай інтэграцыйнай ІТ-платформы для БЧ займалася IBA Group.

dev.by звярнуўся з пытаннямі да кампаніі наконт інцыдэнту. Зрэшты, мы хацелі высветліць, ці сапраўды была кібератака на сэрвер, якія маштабы шкоды, ці дапамагае IBA аднавіць працу онлайн-сістэмы.

Вось такі адказ журналісты атрымалі ад кампаніі:

- У адпаведнасці з дамовай падтрымкі мы суправаджаем толькі функцыянал сістэмы, якую мы ўкаранялі. Напрыклад, размова аб сістэме продажу праязных дакументаў (СППД). Падтрымка сістэмнага ландшафту, на якім працуюць сістэмы БЧ, ажыццяўляецца сіламі замоўцы. Запытаў аб функцыянале СППД на наш адрас не паступала, адпаведна, больш дэталёва мы не можам пракаментаваць магчымыя прычыны збою.

Тэхнічны збой адбыўся 24 студзеня. Толькі праз два дні БЧ аднавіла онлайн-афармленне квіткоў на цягнікі з нумараванымі месцамі і працу даведачных web-рэсурсаў. Электронныя квіткі на цягнікі з ненумараванымі месцамі набыць усё яшчэ нельга.

Да гэтага «кіберпартызаны» паведамілі аб нападзе, узломе сэрвераў і баз звестак. Яны выставілі ўладам ультыматум.