Ва Украіну прыбыла трэцяя партыя вайсковай дапамогі з ЗША
19- 25.01.2022, 20:25
- 9,272
Борт даставіў ва Украіну партыю Javelin.
У кіеўскім аэрапорце Барыспаль прызямліўся самалёт з грузам вайсковай дапамогі з ЗША, паведаміла намесніца міністра абароны Украіны Ганна Маляр у Facebook.
«У пакеце: сучаснае абсталяванне і боепрыпасы абароннага прызначэння. Умацоўваем абараназдольнасць!» - напісала яна.
Борт даставіў ва Украіну партыю супрацьтанкавых ракетных комплексаў Javelin, паведамляе Fox News са спасылкай на крыніцы.