У Ціхім акіяне пасля вывяржэння вулкана цэлая выспа пайшла пад ваду
1- 25.01.2022, 14:25
- 11,358
Апублікаваныя ўнікальныя здымкі з космасу.
Больш за тыдзень таму ў Ціхім акіяне адбылося вывяржэнне падводнага вулкана Хунга-Тонга-Хунга-Хаапай. Адно з відавочных наступстваў - амаль знік цэлы востраў. «Раскосмас» апублікаваў у сваім канале ў Twitter здымак, на якім можна прасачыць, што засталося ад вострава.
Вывяржэнне вулкана прадаўжалася некалькі дзён.
«Асноўны ўдар прыпаў на выспы Тонга. Спадарожнік #КанопусВ праводзіць маніторынг наступстваў. Тут вы можаце ўбачыць мяжу выспы да вывяржэння», - паведаміў «Раскосмас».
Падчас вывяржэння загінулі некалькі чалавек, разбурана мясцовая інфраструктура і сотні будынкаў. Канал Discover апублікаваў фатаграфію ў Telegram, на якой бачна, як востраў выглядаў раней.