У ЖКГ расказалі, чаму беларусам могуць раптоўна адключыць ваду і ацяпленне
5- 25.01.2022, 11:24
- 26,972
З 1 студзеня ў краіне выраслі тарыфы на газ і электрычнасць.
У ДА «Менская гарадская жыллёвая гаспадарка» расказалі, што прадпрыемства водаправодна-каналізацыйнай гаспадаркі мае права спыніць поўнасцю або часткова падачу вады без папярэдняга паведамлення абанента, паведамляе telegraf.by.
Зрабіць гэта можна ў выпадках:
нядопуску абанентам прадстаўніка арганізацыі ВКХ да кантрольных студняў для адбору проб сцёкавых вод;
спынення энергазабеспячэння водагаспадарчых збудаванняў і ўстройстваў арганізацыі ВКХ;
прыняцця неадкладных мер для прадухілення ўзнікнення або ліквідацыі аварыі або надзвычайных сітуацый прыроднага і тэхнагеннага характару на водагаспадарчых збудаваннях і ўстройствах;
пры неабходнасці павелічэння падачы пітной вады да месцаў узнікнення пажару для яго ліквідацыі.
Таксама зараз на сайце «Мінскводаканала» можна азнаёміцца з разліковым часам ліквідацыі аварый і планавымі працамі.
З 1 студзеня ў Беларусі выраслі тарыфы на газ і электрычнасць, паслугі сувязі і інтэрнэта ўсімі аператарамі.
Акрамя таго, будзе ўведзены падатак на кватэру ва ўласнасці (нават адзіную).