Новы кіраўнік партыі Мэркель заклікаў Нямеччыну не блакаваць пастаўкі зброі Украіне
5- 24.01.2022, 20:07
- 5,522
Гэта неабходна для забеспячэння палітычнага мірнага парадку ў Еўропе.
Новы кіраўнік Хрысціянскай дэмакратычнай уніі (ХДУ) Нямеччыны Фрыдрых Мерц заклікаў урад не блакаваць пастаўкі абароннай зброі Украіне. Пра гэта ён напісаў на сваёй старонцы ў Twitter.
„Deutschland darf die Unterstützung der #Ukraine mit Verteidigungswaffen nicht blockieren – schon aus Verantwortung vor unserer Geschichte, aber auch zur Sicherung der politischen Friedensordnung in #Europa, zu der sich auch #Russland verpflichtet hat.“ (tm) #MerzMail
— Friedrich Merz (@_FriedrichMerz) January 24, 2022
"Нямеччына не павінна блакаваць падтрымку Украіны абарончай зброяй - не толькі праз адказнасць за нашу гісторыю, але і для забеспячэння палітычнага мірнага парадку ў Еўропе, які Расея таксама абавязалася выконваць", - заявіў ён.
ХДУ - найбуйнейшая апазіцыйная партыя Нямеччыны. З 2000-га да 2018 год яе ўзначальвала былая канцлерка Ангела Мэркель. Мерца абралі кіраўніком ХДУ 22 студзеня.