29 сакавiка 2024, Пятніца, 4:25
Падтрымайце
сайт
Сім сім,
Хартыя 97!
Рубрыкі

Фаніпаль ужо 24 гадзіны без вады

4
Фаніпаль ужо 24 гадзіны без вады

Што адбылося?

Удзень у нядзелю ў жылых дамах Фаніпаля знікла вада. Усё праз прарыў у сетцы водаправода. Увечары таго ж дня спецыялісты запусцілі станцыю другога ўздыму вады, аднак жыхары горада, мяркуючы з каментароў у сацсетках, гавораць, што вада ў кранах на вечар панядзелка, 24 студзеня, ёсць не ва ўсіх, паведамляе zerkalo.io.

Вада знікла ўдзень у мінулую нядзелю як у шматкватэрных дамах, так і ў прыватным сектары. Высветлілася, што адсутнасць вады звязана з прарывам у сетцы водаправода ў раёне прадуктовай крамы па вуліцы Якуба Коласа. Пра гэта парталу fanipol.by распавёў начальнік цэха ВІВ КУП «Маладзечнаводаканал» Дзяржынскага раёна Сяргей Блізнюк.

А 22.00 была запушчаная станцыя другога пад'ёму вады. Спецыялісты прадпрыемства абяцалі, што цягам гадзіны ў горадзе з'явіцца вада, аднак напор будзе слабым.

Вада з'явілася, але не ва ўсіх. Мясцовыя жыхары ў сацсетках скардзяцца, што на верхніх паверхах дамоў вады няма дагэтуль. Гэта звязана з паніжаным ціскам у сістэме. У некаторых з крана пачаў ісці кіпень ці "брудная, як з балота" вада. У некаторых да вечара панядзелка вада знікла зноў.

На 18.00 24 студзеня КУП «Маладзечнаводаканал» паведаміў, што на станцыі другога пад'ёму вады ідуць рамонтна-аднаўленчыя работы. З-за гэтага на тэрыторыі горада Фаніпаля вады зараз няма. Камунальная арганізацыя абяцае падаць ваду ў горад найбліжэйшыя гадзіны.

Раніцай у панядзелак быў арганізаваны падвоз вады: на вуліцы Зялёная з'явілася адна аўтацыстэрна.

Такая сітуацыя ў Фаніпалі была ў пачатку верасня мінулага года. Тады на станцыі другога ўздыму вады здарылася аварыя. Камунальная арганізацыя папярэджвала, што ў горадзе можа быць паніжаны ціск вады ў сістэме. Таксама паведамлялася, што вядуцца працы для ўхілення аварыі. 16-тысячны горад быў без вады тры дні.

Дарэчы, летам 2019 года частка Фаніпаля ўжо заставалася без вады на некалькі дзён. Тады рамантавалі водаправод і пры яго падключэнні адбыўся прарыў. Затапіла некалькі вуліц, і ваду праз аварыю адключылі. Праблемы з вадой былі і ў жніўні таго года.

Напісаць каментар 4

Таксама сачыце за акаўнтамі Charter97.org у сацыяльных сетках