Ад Украіны на «Еўравізію» можа паехаць беларускі спявак Майкл Соўл
4- 24.01.2022, 17:45
- 4,922
Ён быў бэк-вакалістам гурта NaviBand на «Еўравізіі-2017» у Кіеве.
Беларускі спявак можа паехаць на «Еўравізію-2022» ад Украіны. Выканаўца з Берасця Майкл Соўл патрапіў у топ-10 фіналістаў нацыянальнага адбору суседняй краіны, паведамляе euroradio.fm.
Майкл - фіналіст беларускага адбору на «Еўравізію» ў 2016 і 2019 гадах. Таксама ён быў бэк-вакалістам гурта NaviBand на «Еўравізіі-2017» у Кіеве.
Хто ў выніку рэпрэзентуе Украіну на міжнародным конкурсе, стане вядома 12 лютага.
Беларусь была выключаная з удзелу ў Еўравізіі, калі хацела ў 2021 годзе даслаць на конкурс гурт «Галасы Зместа». Арганізатары наважылі, што беларускі бок спрабуе палітызаваць песенны конкурс.