У менскую раку патрапілі нафтавыя адкіды
1- 23.01.2022, 15:43
- 7,696
Нафтавыя плямы знайшлі паблізу жылога дома.
На менскай рацэ з’явіліся «хімічныя» вясёлкавыя плямы. Пракуратура высветліла, што ў раку патрапілі нафтавыя адкіды, менскае прадпрыемства аштрафавалі.
Нафтавыя плямы заўважалі 5 жніўня і 11 лістапада 2021 года ў акваторыі ракі Лошыцы. Яны знаходзіліся паблізу жылога дома, размешчанага на завулку 1-ы Трубны.
Прадпрыемства «Гаррамліўнесцёк» займаецца адвядзеннем, ачысткай і скідам у вадаёмы паверхневых (дажджавых, адталых і палівамыйных) і нарматыўна чыстых (ачышчаных) вытворчых сцёкавых вод Менска па дажджавых калектарах.
Пракуратура высветліла, што з ліўневага стоку, які знаходзіцца на балансе гэтага прадпрыемства, у вадаём трапілі сцёкавыя воды, забруджаныя нафтавымі адкідамі.
«Гаррамліўнесток» прыцягнулі да адказнасці і прызначылі штраф у суме 70 і 60 базавых адзінак. З 1 студзеня 2022 года базавая адзінка складае 32 рублі. Адпаведна, гаворка ідзе аб сумах 2240 і 1920 рублёў.
Таксама прадпрыемства кампенсавала суму звыш 4,9 тысяч рублёў. Так пракуратура ацаніла шкоду, прычыненую навакольнаму асяроддзю.