Краіны Балтыі пацвердзілі пастаўку зброі Украіне
9- 21.01.2022, 21:17
- 5,398
Балтыйскія краіны перададуць Украіне Javelin і ПЗРК Stinger.
Міністры абароны Эстоніі, Латвіі і Літвы ў сумесным паведамленні пацвердзілі выдзяленне Украіне партыі зброі пасля атрымання дазволу ад ЗША. Яны адзначылі, што пастаўкі ўзбраення пачнуцца найбліжэйшым часам, паведамляе прэс-служба Мінабароны Эстоніі.
«Сёння ў нас ёсць неабходныя дазволы на адпраўку зброі з ЗША. З дапамогай узбраення мы паказваем, што наша падтрымка не толькі на словах», - заявіла міністарка абароны Эстоніі Калле Лаанэт.
Таксама ў заяве Мінабароны трох краін адзначаецца, што Украіне будуць перададзены супрацьтанкавыя ракетныя комплексы Javelin, зенітна-ракетныя сістэмы Stinger і абсталяванне для ўмацавання незалежнага абароннага патэнцыялу краіны.
У сваю чаргу міністр абароны Латвіі Артыс Пабрыкс заклікаў Расею да дээскалацыі сітуацыі на мяжы з Украінай і павагі да яе суверэнітэту.
Раней паведамлялася, што краіны Балтыі маюць намер паставіць ва Украіну Javelin.
Перад гэтым таксама паведамлялася, што Эстонія плануе перадаць Украіне гаўбіцы.