Нацбанк прагназуе «складаныя ўмовы» для беларускай эканомікі на 2022 год

Санкцыі дзейнічаюць.

Нацбанк прагназуе, што ў 2022 годзе беларуская эканоміка сутыкнецца «са складанымі замежнаэканамічнымі ўмовамі». Сярод іх - «палітызаваны» санкцыйны ціск на нашу краіну. Пра гэта заявіў першы намеснік старшыні праўлення Нацбанку Сяргей Калечыц у сваім дакладзе на пашыраным паседжанні, піша zerkalo.io.

У Нацбанку сярод асноўных рызык для эканомікі ў 2022 годзе называюць «складаныя замежнаэканамічныя ўмовы». Сярод іх - няпростая эпідэміялагічная сітуацыя ў свеце і распаўсюджванне новых хваляў каранавіруса, а таксама транспартныя цяжкасці праз недахоп кантэйнераў і падаражанне фрахту. Рэгулятар таксама бачыць магчымыя цяжкасці для эканомікі ў скарачэнні аб'ёмаў вытворчасці ў краінах - гандлёвых партнёрах. Гэта можа адбыцца на фоне неспрыяльных умоў надвор'я і энэргетычнага крызісу. Таксама негатыўна адбіцца на ВУП Беларусі можа «неаднароднае аднаўленне эканомік і захаванне ўсё яшчэ мяккай грашова-крэдытнай палітыкі», мяркуе рэгулятар.

«На жаль, прагнозныя ўмовы нельга назваць адназначна наканаванымі. Нараўне з названымі рызыкамі прадаўжаецца палітызаваны санкцыйны ціск на нашу краіну, які абумоўлівае неабходнасць гнуткага рэагавання на зменлівую кан'юнктуру і ўжыванне своечасовых захадаў для забеспячэння ўстойлівага функцыянавання беларускай эканомікі», - адзначае Сяргей Калечыц.

Пры гэтым магчымае ўзмацненне санкцыйнага націску на беларускія прадпрыемствы-экспарцёры можа абмежаваць іх магчымасці па ўгодах з замежнымі кампаніямі, мяркуе намеснік старшыні праўлення Нацбанку Дзмітрый Калечыц. «Усё гэта можа негатыўна паўплываць на дзелавую актыўнасць у сувязі са скарачэннем як экспарту прадукцыі, так і імпарту сыравіны і камплектуючых, - адзначае намеснік старшыні праўлення Нацбанку. - У такіх варунках фінансавы стан некаторых прадпрыемстваў можа пагоршыцца, што можа прывесці да ўскладнення самастойнага абслугоўвання пазыковых абавязацельстваў».

На думку Дзмітрыя Калечыца, санкцыі таксама могуць негатыўна паўплываць на фінансавую стабільнасць Беларусі. «Што да перспектыўных рызык, то на гэты момант пагрозу фінансавай стабільнасці ствараюць інфляцыйныя рызыкі, недастатковая ўстойлівасць рэсурснай базы банкаў, захаванне санкцыйнага ціску. Ускладнены доступ да замежнага фінансавання, на сусветных фінансавых рынках узмацняюцца жорсткія фінансавыя ўмовы з прычыны інфляцыйных працэсаў», - удакладняе прадстаўнік Нацбанку.