Дыетолаг пералічыла прадукты, якія зніжаюць рызыку інфаркту

Яны даступныя кожнаму.

Дыетолаг-нутрыцыёлаг Лера Лаўскі пералічыла прадукты, карысныя для сардэчна-сасудзістай сістэмы і якія зніжаюць рызыку інфаркту. Яе словы падае РІА Новости.

Лаўскі заявіла, што сардэчна-сасудзістыя захворванні з'яўляюцца самай распаўсюджанай прычынай смерці ў свеце. "Таму вельмі важна займацца падтрыманнем здароўя сасудаў, кантролем артэрыяльнага ціску і сачыць за ўзроўнем халестэрыну", - адзначыла яна. Спецыялістка дадала, што для таго, каб умацаваць сценкі сасудаў, трэба ўжываць вітамін С. Больш за ўсё ён змяшчаецца ў шыпшынне, квашанай капусце, чорнай парэчцы і ківі, удакладніла дыетолаг.

Каб знізіць высокі ўзровень халестэрыну (які наўпрост уплывае на здароўе сардэчна-сасудзістай сістэмы), варта штодня есці сырую цыбулю і часнок, вітаміны групы В, якія змяшчаюцца ў бабовых, субпрадуктах і хлебе грубага памолу. Лаўскі параіла ўжываць чырвоную рыбу дзікага адлову, насенне лёну і кедравыя арэхі не радзей за тры разы на тыдзень. Паводле ейных слоў, калаген у касцяных булёнах з'яўляецца структурным элементам сценак сасудаў - слабасць сасудзістай сістэмы часта звязваюць з яго нястачай. Магній у арэхах і насенні дапамагаюць падтрымліваць нармальны ўзровень артэрыяльнага ціску.