Турцыя не прызнала праведзеныя РФ «выбары» ў акупаваным Крыме
5- 21.09.2021, 11:23
- 3,150
Анкара падтрымлівае тэрытарыяльную цэласнасць Украіны.
Турцыя не прызнае вынікі расейскіх парламенцкіх выбараў, якія адбыліся 17–19 верасня ў акупаваным Крыме, паведамляе «Інтэрфакс» са спасылкай на сайт турэцкага Міністэрства замежных справаў.
«Турцыя па-ранейшаму падтрымлівае тэрытарыяльную цэласнасць Украіны і не прызнае незаконную анэксію Крыма. Адпаведна вынікі выбараў у Дзяржаўную думу Расеі, якія адбыліся 17–19 верасня 2021 года таксама ў Крыме, у дачыненні да Крыму, не маюць юрыдычнай сілы для Турцыі», – заявіў прэс-сакратар МЗС Турцыі, амбасадар Танжу Білгіч.
Раней у Дзяржаўным дэпартаменце ЗША заявілі пра непрызнанне правядзення расейскіх парламенцкіх выбараў 17–19 верасня на акупаваных РФ тэрыторыях Украіны.