Як выяўляецца штам каранавірусу «Дэльта» ў днях

Лекар даў рэкамендацыі для паляпшэння самаадчування.

Лекар з Ізраіля Ітай Галь расказаў, як хварэюць на каранавірус «Дэльта» і як палегчыць стан, піша «Апостраф».

Першыя дні пасля заражэння

Звычайна сімптомы з'яўляюцца праз 2–5 дзён пасля заражэння, але часам – праз тыдзень. Звычайна ў хворых развіваецца ліхаманка без кашлю і дыхавіцы. Тэмпература не надта высокая – 37,8–38,5°С. У некаторых хворых знікаюць нюх і адчуванне смаку, у спалучэнні з іншымі сімптомамі або без такога.

3–7 суткі пасля заражэння

У некаторых хвароба прадаўжае працякаць бессімптомна або з лёгкай сімптаматыкай, асабліва ў прышчэпленых. У дзяцей сімптомы часта адсутнічаюць на ўсіх стадыях хваробы, што павышае рызыку заражэння ад іх. Але ў іншых хворых сімптаматыка нарастае, развіваецца вірусная пнеўманія, характэрная для COVID-19. У такім выпадку ўзмацняюцца дыхавіца і кашаль, часам – на фоне павышэння тэмпературы.

5–6 дні

Гэтыя дні носяць крытычны характар, калі ў некаторых захворванне пераходзіць у цяжкую форму. Пнеўманія становіцца больш выяўленай, людзі пакутуюць ад моцнай дыхавіцы і кашлю. Пры гэтым хворыя адчуваюць выяўленую слабасць, ім цяжка закончыць фразу.

Праз тыдзень пасля заражэння большасць хворых у цяжкім і сярэднім стане трапляюць у шпіталь. Дыхавіца ўзмацняецца, і яны пачынаюць мець патрэбу ў кіслародзе.

2-і тыдзень

На гэтым этапе ў цяжкахворых развіваецца выяўленая дыхальная недастатковасць, часам патрабуецца інтубацыі і падключэння да ШВЛ. Стан бессімптомных хворых не змяняецца, лёгкахворыя адчуваюць палёгку, ажно да знікнення сімптомаў.

У некаторых цяжкахворых на гэтым этапе развіваецца сэпсіс. Гэта небяспечны стан з агрэсіўнай рэакцыяй імуннай сістэмы. Такіх хворых шпіталізуюць у аддзяленні інтэнсіўнай тэрапіі і часам нават даводзіцца падключаць іх да апаратаў ЕСМО, якія замяняюць працу сэрца і лёгкіх. У часткі хворых у лёгкім і сярэднім стане з'яўляюцца болі ў жываце і панос.

10 дзён

У большасці лёгкахворых цалкам знікаюць сімптомы. Калі такі стан доўжыцца больш за 3 дні, іх звычайна вызваляюць ад ізаляцыі.

3-і тыдзень

У хворых, якія пакутавалі ад кашлю, надыходзіць сур'ёзная палёгка, частата кашлю зніжаецца ажно да знікнення. Цяжкахворыя дзеляцца на 2 асноўныя групы: ачунялых і выпісаных, з прызначэннем назірання і рэабілітацыі ў амбулаторных умовах, і тых, чый стан пагаршаецца.

Як палепшыць самаадчуванне

– Рэкамендуецца нюхаць розныя рэчывы, каб мозг змог аднавіць прывязку пахаў да іх. Разам з тым гэтыя методыкі не былі дастаткова вывучаныя і незразумела, ці эфектыўныя яны для ўсіх.

– Для палягчэння кашлю можна прымаць безрэцэптурныя сіропы. Трэба выконваць паказаную на ўпакоўцы дозу, паколькі перадазаванне можа выклікаць цяжкасць дыхання.

– Падчас хваробы і ізаляцыі важна заставацца рухомым.

– Хворыя на COVID-19 часта адчуваюць стамляльнасць, слабасць, галаўныя і мышачныя болі, як пры грыпе. Пры гэтым трэба паклапаціцца пра дастатковае пітво і правільнае харчаванне.