29 сакавiка 2024, Пятніца, 3:41
Падтрымайце
сайт
Сім сім,
Хартыя 97!
Рубрыкі

У Ізраілі выпрабоўваюць прэпарат, які можа вылечыць ад COVID-19 за некалькі дзён

1
У Ізраілі выпрабоўваюць прэпарат, які можа вылечыць ад COVID-19 за некалькі дзён

Лекі ўжо ўжываюцца пры лячэнні іншага сур'ёзнага захворвання.

Ізраільскія даследчыкі заяўляюць, што прэпарат, які ўжываецца пры лячэнні ВІЧ-інфекцыі, таксама эфектыўны супраць COVID-19.

Адзначаецца, што прэпарат Codivir вытворчасці фармкампаніі Code Pharma наўпрост уздзейнічае на каранавірусную інфекцыю і ўсяго за некалькі дзён здольны забяспечыць выздараўленне ад COVID-19.

Пра гэта паведамляюць «Детали».

Прэпарат паспяхова прайшоў першую стадыю клінічных выпрабаванняў. Другая стадыя запланаваная на кастрычнік месяц і будзе праводзіцца ў лякарні Барзілай. У ёй возьмуць удзел блізу 150 чалавек.

Гендырэктар кампаніі Code Pharma Цыён Айні адзначыў, што плануецца скончыць правядзенне выпрабаванняў у перыяд ад трох месяцаў да паўгода, а затым падаць заяўку на дазвол экстранага ўжывання прэпарата.

«Codivir паказаў вельмі добры профіль бяспекі і вельмі ўражлівы супрацьвірусны эфект як у лабараторных умовах, так і падчас клінічных выпрабаванняў у першай фазе на людзях. Мы з нецярпеннем чакаем вынікаў падвойных сляпых даследаванняў з выкарыстаннем Codivir. Гэта можа стаць прарывам у вобласці супрацьвіруснай тэрапіі для пацыентаў на ранняй стадыі COVID-19», - адзначыў кіраўнік аддзялення інфекцыйных захворванняў у лякарні Барзілай, прафесар Шлома Мааян.

Першая фаза клінічных выпрабаванняў праходзіла ў бразільскім горадзе Сан-Паўлу. У ёй узялі ўдзел 12 чалавек ва ўзросце ад 18 да 60 гадоў, хворыя на COVID-19 у лёгкай і сярэдняй формах.

Штодня пацыентам рабілі па 2 ін'екцыі прэпарата цягам 10 дзён. Прафесар Мааян паведаміў, што пасля ўжывання прэпарата ва ўдзельнікаў выпрабаванняў назіралася сур'ёзнае зніжэнне віруснай нагрузкі.

Пры гэтым Codivir вельмі моцна душыў распаўсюджванне віруса ў арганізме, што стала прыкметнае ўжо на чацвёрты дзень пасля пачатку прыёму прэпарата.

Са слоў Цыёна Айні, у пацыентаў, якія прымалі прэпарат, не было адзначана ніякіх істотных пабочных эфектаў.

Таксама было адзначана, што ў іх не было зафіксавана ўскладненняў, якія часцей за ўсё ўзнікаюць пры COVID-19.

Да іспытаў у Бразіліі Code Pharma неафіцыйна тэставала прэпарат на пацыентах у Конга.

«Адна лякарня там пачала ўводзіць яго пацыентам з COVID-19, і яны цалкам паправіліся. Усяго за 9 дзён два пацыенты цалкам ачунялі, а астатнім стала нашмат лепш, і амаль не засталося слядоў віруса. З 15 чалавек, якiя не прымалi лекі, 14 памерлі», - адзначыў Цыён Айні.

Напісаць каментар 1

Таксама сачыце за акаўнтамі Charter97.org у сацыяльных сетках